ہمارے قد کے زندگی اور شخصیت پر گہرے اثرات مرتب ہوتے ہیں، اسی لیے اکثر والدین بچوں کو لٹکنے کی ورزش کرواتے ہیں تاکہ ان کی ہڈیاں کُھلیں۔
قد بڑھانے کیلئے ضروری ہے کہ غذا کو خصوصی اہمیت دی جائے اور روز مرہ کے کھانوں میں کیلشیئم، آئرن، وٹامن ڈی سمیت دیگر وٹامنز اور منرلز کی موجودگی کو لازمی جز بنایا جائے۔
لوگوں کی اکثریت قد کو بڑھانے کے لئے مختلف قسم کے ٹوٹکے اور دوائیوں کا استعمال کرتی ہیں، اس لیے آج ہم آپ کیلئے ایک خاص قسم کا نسخہ لے کر آئے ہیں جسے ڈاکٹر ام راحیل نے تیار کیا ہے۔
اے آر وائی نیوز کے پروگرام گڈ مارننگ پاکستان میں ڈاکٹر ام راحیل نے اس حوالے سے ایک نسخہ بیان کیا جس کو استعمال کرکے والدین کی یہ پریشانی تقریباً ختم ہوجائے گی۔
انہوں نے بتایا کہ کھانے کیلیے ایک چمچ شہد اور ایک چمچ بی پولن، بادام کا تیل آدھا چمچ اور دس قطرے روغن بلسان، ان سب کو مکس کرلیں اور ایک گلاس دودھ میں ملاکر بچوں کو صبح شام پلائیں اس سے ان کا قد بڑھنے لگے گا۔
