دسمبر 24 میں حکومت کے مجموعی قرضے ماہانہ 1.80 فیصد اور سالانہ 10 فیصد اضافے تک پہنچ گئے جس سے مجموعی قرضے 71 ہزار 657 ارب روپے کی بلند سطح پر آگئے۔

نومبر 2024 میں وفاقی حکومت کے مجموعی قرضے 70 ہزار 363 ارب روپے تھے۔

گورنمنٹ ڈیٹابیس کے مطابق دسمبر 2023 میں حکومت کے مجموعی قرضے 65 ہزار 188 ارب روپے تھے حکومت کے مقامی قرض میں ماہانہ 2.70 فیصد اور سالانہ 17فیصداضافہ ہوا۔

دسمبر 24 میں حکومت کےمقامی قرض 49ہزار 883 ارب روپےکی بلند سطح پر پہنچ گیا۔ دسمبر 23 میں حکومت کے مقامی قرض 42 ہزار 588 ارب روپے تھا۔ نومبر 24 میں مقامی قرض 48 ہزار 558ارب روپےرہا تھا۔

وفاقی حکومت کے بیرونی قرض میں ماہانہ 3.70 فیصد کمی جبکہ سالانہ 0.10 فیصد کمی ہوئی۔ دسمبر 24 میں حکومت کے بیرونی قرض گھٹ کر   22 ہزار 764 ارب روپے پر آگیا۔

دسمبر 23 میں حکومت کے بیرونی قرض 22 ہزار 601 ارب روپے تھا۔ نومبر میں حکومت کے بیرونی قرض 21 ہزار 777 ارب روپے تھا۔