اسلام آباد : پاکستان اسٹیٹ آئل (پی ایس او) کی پٹرولیم مصنوعات کی فروخت میں اکتوبر کے دوران ماہانہ بنیادوں پر23 فیصد کی نمو ریکارڈ کی گئی ہے۔
انڈسٹری کے اعداد و شمارکے مطابق اکتوبرمیں پی ایس او کے 0.63 ملین ٹن پٹرولیم مصنوعات کی فروخت ریکارڈ کی گئی جو ستمبر کے مقابلہ میں 23 فیصد زیادہ ہے، ستمبر میں پی ایس او کے 0.51ملین ٹن پٹرولیم مصنوعات کی فروخت ریکارڈ کی گئی تھی۔
جاری مالی سال کے پہلے 4 ماہ میں پی ایس او کے 2.54 ملین ٹن پٹرولیم مصنوعات کی فروخت ریکارڈ کی گئی ہے جو گزشتہ مالی سال کی اسی مدت کے مقابلہ میں 21 فیصد کم ہے۔
رپورٹ کے مطابق گزشتہ مالی سال کی اسی مدت میں پی ایس او کے 3.21ملین ٹن پٹرولیم مصنوعات کی فروخت ریکارڈ کی گئی تھی۔
اعداد و شمار کے مطابق جاری مالی سال کے پہلے 4 ماہ میں پی ایس او کے پٹرول کی 1.13 ملین ٹن، ہائی اسپیڈ ڈیزل 1.10ملین ٹن اور فرنس آئل کی 0.09 ملین ٹن فروخت ریکارڈ کی گئی ہے۔
، گزشتہ مالی سال کی اسی مدت میں پی ایس او کے 1.11ملین ٹن پٹرول،1.13 ملین ٹن ہائی اسپیڈ ڈیزل اور0.76 ملین ٹن فرنس آئل کی فروخت ریکارڈ کی گئی تھی۔
