آئی جی پنجاب عثمان انور نے تمام آر پی اوز اور ڈی پی اوز کو صوبے بھر کے گرجا گھروں کی سیکیورٹی بڑھانے کا حکم دے دیا ہے۔
اے آر وائی نیوز کے مطابق لاہور سمیت صوبہ پنجاب کے گرجا گھروں میں اتوار کے دعائیہ پروگرامز کے حوالے سے پولیس کو ہائی الرٹ کر دیا گیا ہے جب کہ آئی جی نے تمام آر پی اوز اور ڈی پی اوز کو چرچوں کی سیکیورٹی بڑھانے کا حکم دیا ہے۔
آئی جی پنجاب عثمان انور نے کہا ہے کہ ایس پیز اور نگراں افسران خود گرجا گھروں اور اہم مقامات کے سیکیورٹی انتظامات چیک کریں جب کہ حساس گرجا گھروں پر پولیس کی اضافی نفری اور اسنائپرز تعینات کیے جائیں۔
انہوں نے کہا کہ ڈولفن اسکواڈ، پی آر یو، ایلیٹ ٹیمیں گرجا گھروں کے گرد متاثر پٹرولنگ کریں اور تعینات پولیس افسران، جوان الرٹ رہیں جب کہ شرپسند عناصر پر کڑی نظر رکھیں۔
آئی جی پنجاب نے علمائے کرام، مسیحی کمیونٹی، امن کمیٹیوں کے ارکان پر زور دیا ہے کہ وہ بین المذاہب ہم آہنگی کو فروغ دیں۔
