اوول: آئی سی سی ویمنز ورلڈکپ میں بھارت نے پاکستان کو 107 رنز سے شکست دے دی۔
تفصیلات کے مطابق پاکستان ویمنز کرکٹ ٹیم نے ورلڈکپ میں مایوس کن آغاز کیا ہے جہاں اسے روایتی حریف بھارت نے 107 رنز سے شکست سے دوچار کردیا۔
قومی ویمنز ٹیم 245 رنز ہدف کے تعاقب میں 137 رنز پر ڈھیر ہوگئی، کوئی بھی پاکستانی بیٹرز لمبی اننگز کھیلنے میں ناکام رہی، سدرہ امین 30 رنز بنا کر نمایاں رہےدانیہ بیگ 24 رنز بناسکی۔
جویریہ خان 11، بسمہ معروف 15، عمیمہ سہیل 5، ندا ڈار 4، عالیہ ریاض 11، فاطمہ ثنا 17، ،سدرہ نواز12 اور نشرہ سندھو صفر پر آؤٹ ہوئی۔
یہ بھی پڑھیں: رویندر جڈیجہ اولین ڈبل سنچری کیوں نہ بناسکے؟
بھارت کی جانب سے راجیشوری گائیکواڑ نے شاندار بولنگ کا مظاہرہ کرتے ہوئے 4 کھلاڑیوں کو آؤٹ کیا، جھولن گوسوامی اور سہ رانا نے 2 ، دو کھلاڑیوں کو آؤٹ کیا۔
اس سے قبل بھارت نے مقررہ 50 اوورز میں سات وکٹوں کے نقصان پر244 رنز بنائے تھے، بھارت کی جانب سے اسمرتی مندھانا، پوجا وستراکر اور اسنیہ رانا نے نصف سنچریاں اسکور کیں جب کہ دیپتی شرما نے 40 رنز کی اننگ کھیلی۔
پاکستان کی جانب سے ندا ڈار اور نشرح سندھو نے دو دو وکٹ حاصل کیں۔
