فیصل آباد :قومی اورصوبائی اسمبلی نشست پرآزادامیدوار نے خودکشی کرلی

فیصل آباد : قومی اورصوبائی اسمبلی کی نشست پر آزاد امیدوار مرزا محمد احمد نے مبینہ طورپر خودکشی کرلی، جس کے بعد ین اے 103 اور پی پی 103 پر انتخابات ملتوی ہوگئے ہیں۔

تفصیلات کے مطابق فیصل آباد میں قومی اورصوبائی اسمبلی نشست پرآزاد امیدوار محمد احمد مغل نے مبینہ طور پر خودکشی کرلی، مرزا احمد بیٹوں کے بیٹوں نے باپ کی حمایت سے انکار کیا تھا، جس پر وہ دلبرداشتہ تھے۔

تاندلیانوالہ کے رہائشی مرزا احمد این اے 103 اور پی پی103 پر آزاد الیکشن لڑ رہے تھے۔

امیدوار کی مبینہ خود کشی کے بعد این اے ایک سو تین اور پی پی ایک سو تین پرانتخابات ملتوی ہوگئے، عام انتخابات کے بعد حلقوں میں ضمنی انتخاب ہوگا۔

واضح رہے کہ ملک بھر میں 25 جولائی کو عام انتخابات کا انعقاد کیا جارہا ہے ، جس کی تیاریوں کو حتمی شکل دی جارہی ہے اور اس روز عام تعطیل کا بھی اعلان کر رکھا ہے۔

خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments