پاکستان بار نے اپنے اعلامیے میں کہا ہے کہ آزاد عدلیہ اور صحافت متحرک جمہوریت کے لیے لازم و ملزوم ہیں۔
تفصیلات کے مطابق آزاد عدلیہ اور آزاد صحافت سے متعلق پاکستان بار کونسل جاری اعلامیے میں کہنا تھا کہ عدلیہ اور اظہار رائے کی آزادی کو یقینی بنانے کے عزم کا بھرپور اعادہ کرتے ہیں۔
اعلامیہ میں مزید کہا گیا آزاد عدلیہ اور صحافت بنیادی حقوق کے تحفظ اور قانون کیلئے ضروری ہیں۔ پیشہ ورانہ صحافیوں کو بنیادی حقوق کیخلاف خطرات اور رکاوٹوں کا سامنا ہے۔
پاکستان بار مذموم مقاصد کیلئے آزاد صحافت کی آواز کو دبانے کی مذمت کرتا ہے۔ میڈیا کی آزادی کی اہمیت اور بدنیتی پر مبنی تہمت آمیز مہمات میں توازن موجود ہے۔
اعلامیہ میں کہا گیا کہ غیراخلاقی عمل میں ملوث یا بےبنیاد الزامات لگانے کی اجازت نہیں ہونی چاہیے۔ پاکستان بارعدلیہ اور اظہار رائے کی آزادی کیلئے کوششوں کے حوالے سے چوکنا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں