اسلام آباد : شنگھائی تعاون تنظیم کے رکن ممالک کے مشیرقومی سلامتی کے اجلاس میں بھارت کوپھر سبکی کا سامنا کرنا پڑا ، عالمی برادری نے پاکستان کے نئے نقشے پر بھارتی اعتراض مستردکردیا۔
تفصیلات کے مطابق شنگھائی تعاون تنظیم کے رکن ممالک کے مشیرقومی سلامتی کا اجلاس ہوا، اجلاس میں پاکستان کی نمائندگی مشیرقومی سلامتی معید یوسف نے کی۔
بھارت کوپاکستان کانیا نقشہ ہضم نہیں ہوا تاہم عالمی برادری نے اعتراض مستردکردیا،ایس سی اواجلاس میں پاکستان نے نیا نقشہ لگایا تو بھارت کو مروڑ اٹھنے لگے، بھارت کے اعتراض پر پاکستان نے جواب دیا یہ ہمارا نیا نقشہ ہے۔
روس اور پاکستان کی تقریروں کے دوران بھارتی حکام واک آؤٹ کرگئے۔
معاون خصوصی معیدیوسف نے کہا کہ بھارت کی غیرسنجیدگی کاتوکوئی حل نہیں ہے، پاکستان کےنقشےپرایس سی اومیں کسی نےاعتراض نہیں کیا، ایس سی اواجلاس میں ہمارانقشہ سب کونظرآرہاتھا۔
،معیدیوسف کا کہنا تھا کہ گزشتہ اکتوبرمیں بھارت نےایک مضحکہ خیزنقشہ چھاپاتھا، بھارت نےتواپنانقشہ ایس سی اواجلاس میں نہیں لگایا، ہمارانقشہ یواین قراردادوں کےمطابق ہمارےحق کاعکاس ہے۔
