بھارت عالمی سطح پر منشیات کا گڑھ بن گیا ، بھارت منشیات کے حصول کے لیے مشرقی بارڈر کا استعمال کرتا ہے جبکہ فنٹینل اور میتھمفیٹامائن جیسی مصنوعی ادوایات کی پیداوار کے لیے کیمیکل کی فراہمی میں سر فہرست ہے۔
تفصیلات کے مطابق بھارت منشیات کی عالمی سطح پر سپلائی اور اسکے پھیلاوٴ کا مرکز بن گیا ، آئی این سی بی رپورٹ میں بتایا گیا کہ بھارت منشیات کے حصول کے لیے مشرقی بارڈر کا استعمال کرتا ہے ساتھ ہی بھارت فارماسوٹیکل اور کیمیکل صنعتوں کے ذریعے مصنوعات کو غیرقانونی نیٹورکس میں فروخ دیتا ہے۔
رپورٹ میں کہنا ہے کہ بھارت افغانستان کے راستے سستے داموں منشیات خریدتا ہے جس کی مالیت 650 بلین ڈالر سے زیادہ ہے۔
امریکی محکمہ خارجہ رپورٹ میں کہنا ہے کہ بھارت فنٹینل اور میتھمفیٹامائن جیسی مصنوعی ادوایات کی پیداوار کے لیے کیمیکل کی فراہمی میں سر فہرست ہے ، بھارت کی فارماسوٹیکل صنعت نے ملک کے اندر منشیات کو بڑے پیمانے پر فروغ دیا ہے۔
بھارت منشیات کی اسمگلنگ میں ڈرون کے استعمال سے پاکستان میں منشیات فروشی پھیلا رہا ہے، بین الاقوامی سطح پر منشیات کی تجارت میں بھارت کی خفیہ مداخلت کو ‘گولڈن ڈرگ سلک روٹ’ کہا جاتا ہے، گولڈن ڈرگ سلک روٹ میں بھارت کی بڑی کاروباری اور سیاسی شخصیات شامل ہیں۔
ماضی میں بھی بھارت کے عالمی سطح پر منشیات کی اسمگلنگ کے شواہد پائے گئے، آئی این سی بی سالانہ رپورٹ 2021 کے مطابق بھارت ڈارک نیٹ پر منشیات کی پیداوار اور تجارت میں سر فہرست ہے اور بھارت ٹرانزٹ روٹ کے ذریعے یورپ اور شمالی امریکہ میں منشیات اسمگل کرتا ہے۔
