بھارت نے پاکستان کی جانب سے جوابی کارروائی کے خوف سے اپنے مزید ایئرپورٹس بند کر دیے۔

میڈیا رپورٹس کے مطابق شملہ، بھوج، راجکوٹ، جیسلمیر، جودھپور سمیت 16 ایئرپورٹس بند کیے گئے ہیں۔ امرتسر، چندی گڑھ، پٹھان کوٹ، پوربند ایئرپورٹس کو بھی بند کیا گیا ہے۔

بھٹنڈا، دھرم شالہ، پوربندر ایئرپورٹس بھی کمرشل پروازوں کیلئے بند ہے جب کہ جام نگر، جموں، سری نگر لیہہ تھیوس ایئرپورٹس کو بھی بند کیا جا چکا ہے۔

پاک بھارت کشیدگی  سے متعلق تمام خبریں

بھارتی افواج کی جانب سے رات کی تاریکی میں آزاد کشمیر اور پنجاب کے مختلف علاقوں میں کی گئی بزدلانہ کارروائی کے بعد پاک فوج نے بھارتیوں کے ہوش ٹھکانے لگادیے۔ بھارت کو بزدلانہ کارروائی کے نتیجے میں شدید نقصان اٹھانا پڑا۔ جس کے بعد متعدد ہوائی اڈے بھی بند کردیے گئے۔

غیر ملکی ذرائع ابلاغ کے مطابق بھارتی حملوں میں کوٹلی، مظفرآباد، باغ، مریدکے اور احمد پور شرقیہ کے شہری علاقوں کو نشانہ بنایا گیا، جس میں 2 مساجد شہید، ایک بچی سمیت 26 پاکستانی شہید اور 36 زخمی ہوئے۔

بھارت نے لائن آف کنٹرول پر پاکستان کی جوابی کارروائی کے بعد سفید جھنڈا لہرا کر پسپائی اختیار کی۔ صورتحال کشیدہ ہونے کے بعد بھارت کے کئی بڑے ہوائی اڈوں پر فلائٹ آپریشن معطل کر دیا گیا ہے۔