The news is by your side.

Advertisement

جہیز نہ لانے پر بہو کو دھمکانے والی ساس کی جیل یاترا

.بھارت میں عدالت عظمیٰ نے بہو کو جہیز نہ لانے پر ڈرانے دھمکانے والی ساس کو 3ماہ قید کی سزا سناتے ہوئے جیل روانہ کردیا

جہیز ہمارے معاشروں میں ایک ناسور کی طرح سرایت کرچکا ہے، بالخصوص پڑوسی ملک بھارت میں تو آئے روز جہیز نہ لانے پر بہو سے غیر انسانی سلوک حتیٰ کے قتل تک کی خبریں سامنے آتی ہیں، جہیز سے متعلق قوانین موجود ہونے کے باوجود ایک عورت دوسری عورت کی دشمن بنی رہتی ہے۔

ایسا ہی کچھ ایک بار پھر ہوا ہے بھارت میں جہاں ساس اپنی بہو کو جہیز نہ لانے پر ہراساں کرتی رہی لیکن معاملہ عدالت
میں پہنچنے  پر ساس کو 3 ماہ کے لیے جیل میں ڈال دیا گیا۔

بھارتی میڈیا کے مطابق ساس کی جانب سے بار بار جہیز پر ہراساں کیے جانے پر بہو نے تنگ آکر خودکشی کی ناکام کوشش بھی کی جس کے بعد معاملہ عدالت میں پہنچ گیا۔

سپریم کورٹ میں دائر درخواست میں درخواست گزار نے موقف اختیار کیا کہ جہیز نہ لانے پر ساس نے کئی بار بہو کو ڈرایا دھمکایا جس سے تنگ آکر بہو نے اپنی زندگی ختم کرنے کی کوشش کی۔

درخواست کے خلاف ملزمہ ساس نے اپیل بھی داخل کی جس کو سپریم کورٹ نے مسترد کرتے ہوئے 64 سالہ خاتون کو جہیز سے متعلق قوانین کے مطابق تین ماہ قید کی سزا سناتے ہوئے جیل بھیج دیا۔

بھارتی عدلیہ کے جج نے ریمارکس میں کہا کہ ایک خاتون کا دوسری خاتون پر ظلم کرنا سنگین جرم ہے۔

Comments

یہ بھی پڑھیں