The news is by your side.

Advertisement

بھارت : آبشار میں نہانے والے نوجوان کے ساتھ اندوہناک واقعہ

نئی دہلی : بھارت میں تفریح کیلئے آبشار پر آنے والا نوجوان نہاتے ہوئے ڈوب کر ہلاک ہوگیا، ریسکیو اہلکاروں نے بہت کوششوں بعد متوفی کی لاش پانی سے نکال کر ورثاء کے حوالے کی۔

تفصیلات کے مطابق بھارت کی ریاست کرناٹک کے ضلع یادگیر کے گرمٹکل تعلقہ میں ایک نوجوان آبشار دیکھنے اور نہانے کی غرض سے آیا تاہم تیرنے کے دوران لہروں کے سامنے بے قابو ہونے کی وجہ سے ڈوب کر ہلاک ہوگیا۔

بھارتی میڈیا کے مطابق ریاست راجستھان سے تعلق رکھنے والا 23 سالہ بھائے رام یادگیر اپنے رشتہ داروں سے ملنے آیا تھا جس کے بعد وہ آبشار دیکھنے کی غرض سے اپنے کزنز کے ساتھ گرمٹکل کے آبشار پہنچا تاہم وہاں وہ تیرنے کے دوران پانی میں ڈوب گیا۔

پولیس کے مطابق جائے مقام پر پہنچ کر انسپکٹر ہنومنت اور پولیس عملہ نے مقامی افراد اور ریسکیو اہلکاروں کی مدد سے لاش کو باہر نکالا اور بعد ازاں پوسٹ مارٹم کے بعد لاش کو ورثاء کے حوالے کر دیا گیا، گرمٹکل پولیس نے مقدمہ درج کرکے مزید تحقیقات کا آغاز کردیا ہے۔

Comments

یہ بھی پڑھیں