نئی دہلی: بھارت میں سراپا احتجاج کسانوں نے پتنگ سے پولیس ڈرون گرانے کا حیرت انگیز کارنامہ انجام دیا ہے۔
تفصیلات کے مطابق بھارت میں کئی دنوں سے کسانوں کا احتجاج جاری ہے، جسے فی الوقت روک دیا گیا ہے کیوں کہ اتوار کو حکومتی وزرا کے ساتھ مذاکرات کا دوسرا دور چلے گا، تاہم اس احتجاج کے دوران گزشتہ دنوں ایک حیرت انگیز واقعہ رونما ہوا۔
دہلی میں داخل ہونے کے لیے احتجاج کے دوران پولیس نے کسانوں پر لاٹھی چارج کیا اور کئی مقامات پر ان پر آنسو گیس کے گولے بھی داغے اور ربڑ کی گولیاں چلائیں، پولیس نے آنسو گیس کے گولے چھوڑنے کے لیے ڈرونز کا بھی استعمال کیا۔
تاہم ایک ویڈیو سامنے آئی ہے جس میں دیکھا جا سکتا ہے کہ کسانوں نے حیرت انگیز طور پر پتنگ اڑا کر اس کے ذریعے ڈرون کو زمین پر گرا دیا، جس سے لگتا ہے کہ کسانوں نے بھی اس صورت حال سے نمٹنے کے لیے پوری تیاری کی ہوئی ہے۔
Haryana Police today tested tear gas shell-dropping drone system at Shambhu border near Ambala, in view of 'Delhi Chalo' farmers protest (ANI) pic.twitter.com/vAlbyTZu88
— Frontalforce (@FrontalForce) February 12, 2024
So called "Farmers" tried to Bring Down a Haryana Police Drone with a Kite BUT FAILED Listen to the commentary #FarmersProtest #FarmerProtest2024 pic.twitter.com/Wl1Uzmpe7V
— Rosy (@rose_k01) February 15, 2024
رپورٹس کے مطابق مظاہروں کے دوران کسانوں نے پتنگیں اڑا کر اپنے اوپر آسمان پر اڑنے والے ڈرونوں کو نیچے گرانے کی کوششیں کیں، امبالا کے قریب شمبھو بارڈر پر پتنگ کے ذریعے آخر کار ایک ڈرون گرانے میں کسان کامیاب ہو گئے۔
سوشل میڈیا پر کسانوں کی جانب سے پولیس انتظامیہ کے ڈرون پر اس دیسی ’جگاڑ‘ سے حملے کی ویڈیو وائرل ہو گئی ہے۔ واضح رہے کہ کسان بھارت کی مودی حکومت سے اپنی فصلوں کی زیادہ قیمتوں کا مطالبہ کر رہے ہیں۔
