The news is by your side.

Advertisement

بھارت میں مہندی کی تقریب : ڈانس روکنے پر خاتون کو گولی ماردی

نئی دہلی : شادی کی تقریب کے دوران ایک شخص نے اسٹیج ڈانسر کو اس لیے گولی مار دی کیونکہ وہ اچانک رک گئی تھی، واقعے کے بعد ملزم فرار ہونے میں کامیاب ہوگیا۔

تفصیلات کے مطابق بھارتی ریاست اتر پردیش کے ایک گاؤں میں شادی کی تقریب کے دوران اسٹیج پر ڈانسر کو گولی مار دی گئی۔

اس کا قصور محض اتنا تھا کہ وہ ڈانس کرتے کرتے رک گئی تھی، بھارتی میڈیا کی رپورٹ کے مطابق نشے میں دھت ملزم نے سیدھی فائرنگ کی جس کی گولی ڈانسر کے چہرے پر لگی اور وہ موقع پر ہی گر گئی۔

واردات کے بعد ملزم جائے وقوعہ سے فرار ہونے میں کامیاب ہوگیا، زخمی ڈانسر کو فوری طور پر اسپتال منتقل کیا گیا جہاں اس کی حالت اب خطرے سے باہر بتائی جارہی ہے۔

سوشل میڈیا پر وائرل ہونے والی ویڈیو میں ڈانسر کو اسٹیج پر دیکھا جاسکتا ہے اس دوران گولی کی آواز سنائی دیتی ہے، پھر خاتون اپنے چہرے پر ہاتھ رکھتی ہے اور زمین پر گر جاتی ہے۔

اس حوالے پولیس حکام نے بھارتی میڈیا کو بتایا کہ پولیس نے گولی مارنے والے ملزم کی شناخت کرلی ہے اور اسے جلد گرفتار کرلیا جائے گا۔

Comments

comments

یہ بھی پڑھیں