نئی دہلی: یوٹیوب دیکھ کر ایک شخص نے گھر میں اپنی بیوی کی زچگی کا عمل انجام دیا جس کی وجہ سے بچے کی پیدائش کے بعد خاتون کی موت ہو گئی۔
یہ عجیب و غریب واقعہ بھارت کی ریاست تمل ناڈو کے ضلع کرشنا گیری میں پیش آیا گاؤں انومنتا پورم سے تعلق رکھنے والے مادیش کی شادی سال 2021 میں لوکا نائیکی نامی خاتون سے ہوئی تھی۔
بھارتی میڈیا رپورٹ کے مطابق مادیش بیوی کے حاملہ ہونے کے بعد سے ہی وہ اس کی نارمل ڈیلیوری کا منصوبہ بنا چکا تھا اس نے اپنی بیوی کا کسی بھی طرح کا علاج نہیں کروایا۔
رپورٹ میں بتایا گیا کہ جب خاتون کی زچگی کا وقت قریب آیا تو اس نے 22 اگست کو گھر میں فون میں یوٹیوب دیکھتے ہوئے بیوی کی زچگی کا عمل انجام دیا۔
بھارتی میڈیا کا بتایا ہے کہ مناسب طبی امداد نہ ملنے پر بچے کی پیدائش کے بعد ماں بے ہوش ہوگئی جس کے بعد اسے اسپتال منتقل کیا جا رہا تھا کہ راستے میں خاتون نے دم توڑ دیا۔
رپورٹ کے مطابق پولیس نے خاتون کی نعش کو ضبط کر لیا تاکہ پوسٹ مارٹم کروایا جا سکے گورنمنٹ لیڈی ڈاکٹر کی شکایت پر پولیس نے کیس درج کر کے چھان بین شروع کر دی ہے۔
