انڈین ریلوے نے بڑا قدم اٹھاتے ہوئے جنرل کوچ میں سفر کرنے والے مسافروں کو صرف 20 روپے میں کھانا فراہم کرنے کا اعلان کیا ہے۔
بھارتی ریلویز نے ملک میں چلنے والی جنرل کوچ کے مسافروں بڑی سہولت مہیا کرنے کے لیے ایک بڑی پیش قدمی کی ہے۔ ریلوے بورڈ کے سینئر افسر نے بتایا کہ 100 اسٹیشنوں کے تقریباً 150 پلیٹ فارم پر کھانے کا کاؤنٹر کھولا گیا ہے جبکہ آنے والے دنوں میں اس میں مزید توسیع کی جائیگی۔
جنرل کوچ سے سفر کرنے والے خواتین و حضرات کو پلیٹ فارم پر کفایتی نرخ پر کھانا فروخت کرنے کی تیاری مکمل ہوچکی ہے، مسافروں کو صرف 20 روپے میں پوری اور سبزی دی جائے گی۔
اس کے علاوہ 50 روپے میں کھانے کا ایک پیکٹ بھی دیا جائے گا جس میں چپاتی اور سبزی وغیرہ بھی فراہم کی جائے گی۔
مذکورہ ٹرین کے صرف دو منٹ ٹھہرنے اور رش کی وجہ سے غریب مسافروں کو کئی بار بھوکا رہنا پڑتا ہے۔ یہی وجہ ہے کہ ریلوے نے کفایتی شرح پر کھانا دینے کا فیصلہ کیا۔
بھارتی ریلوے افسر کے مطابق آئی آر سی ٹی سی کے ساتھ مل کر ریلوے نے مسافروں، خصوصاً غیر ریزرو ڈبوں میں سفر کرنے والوں کی خدمت کے لیے یہ اقدام کیا ہے۔
اہلکار کا کہنا ہے کہ 100 اسٹیشنوں کے تقریباً 150 پلیٹ فارم پر کھانے کے کاؤنٹر کھولے گئے ہیں اور اس سہولت کو آئندہ مزید بڑھایا جائے گا۔
