لاہور : بھارت نے بنا خبردار کیے دریائے راوی اور دریائے چناب میں پانی چھوڑدیا، جس سے پاکستان میں ہزاروں دیہات اور لاکھوں ایکڑ رقبہ زیرِ آب آگیا۔
تفصیلات کے مطابق بھارت کبھی آزاد کشمیر میں دراندازی کرتا ہے تو کبھی دہشت گردوں کی پشت پناہی میں سرگرم نظر آتا ہے، حالیہ بارشوں سے ہونے والے نقصانات کے بعد پاکستان کو اب بھارت کی آبی دہشتگردی کا سامنا ہے ۔
بھارت نے آبی دہشت گردی کرتے ہوئے اچانک پانی چھوڑ دینے کی وجہ سے پاکستان کو ہنگامی صورتِ حال کا سامنا ہے
بھارت نے بنا خبردار کیے دریائے راوی اور دریائے چناب میں پانی چھوڑدیا، جس سے ہزاروں دیہات اور لاکھوں ایکڑ رقبہ زیر آب آگیا۔
پی ڈی ایم اے کا کہنا ہے کہ بھارت کی آبی دہشت گردی کے باعث دریائے چناب پر قادر آباد بیراج پر پانی کی سطح تیزی سے بڑھ رہی ہے اور پانی کی سطح 2 لاکھ کیوسک سے بڑھ کر 2 لاکھ 50 ہزار کیوسک ہونے کا امکان ہے۔
ریائے راوی میں جسڑ اور شاہدرہ کے مقام پر 40 سے 55 ہزار کیوسک پانی کا بہاؤ متوقع ہے ۔۔ پی ڈی ایم اے کی جانب سے نچلی سطح پر سیلاب کی وارننگ جاری کی گئی ہے اورعلاقہ مکینوں کو محفوظ مقامات پر منتقل ہونے کی ہدایت کی ہے
خیال رہے دریائےچناب میں ایک لاکھ 8ہزار343کیوسک پانی کاسیلابی ریلا گزررہاہے ، سیلابی ریلےکے باعث نشیبی علاقےزیرآب آگئے ہیں۔
فلڈ کنٹرول روم کا کہنا ہے کہ ریسکیو نے ضلع بھر میں 7مقامات پرفلڈریلیف کیمپ قائم کردیے، آئندہ30گھنٹےتک پانی کابہاؤاسی طرح رہنےکاامکان ہے۔
ضلعی انتظامیہ نےنشیبی علاقوں میں نچلےدرجےکےسیلاب کےاعلانات کرادیے ہیں اور نشیبی علاقوں کےرہائیشیوں کومحفوظ مقامات پرمنتقل ہونےکی ہدایات جاری کردیں۔
ڈپٹی کمشنرمحمدآصف رضا کا کہنا ہے کہ سیلابی صورتحال سےنمٹنےکیلئےمکمل تیارہیں، ریسکیو،ریونیو،ہیلتھ کاعملہ مکمل طورپرالرٹ ہے۔
گذشتہ روز بھی بھارت نے دریائے چناب میں ڈیڑھ لاکھ کیوسک کاسیلابی ریلہ چھوڑا تھا، جس سے دریائے چناب میں مرالہ خانکی اور قادرآباد میں اونچے درجے کا سیلاب متوقع ہے۔
