اسلام آباد : پاکستان پر بھارت کے میزائل حملے کے بعد قومی سلامتی کمیٹی کا اہم اجلاس آج ہوگا ، جس میں بھارتی بزدلانہ کارروائی کا منہ توڑ جواب دینے کی حکمت عملی وضع کی جائے گی۔
تفصیلات کے مطابق وزیر اعظم شہباز شریف نے آج صبح قومی سلامتی کمیٹی کا اجلاس طلب کر لیا ہے، اجلاس میں وفاقی وزرا، تینوں مسلح افواج کے سربراہان اجلاس میں شریک ہوں گے۔
اجلاس میں بھارت کی بزدلانہ کارروائی کا منہ توڑ جواب دینے کی حکمت عملی وضع کی جائے گی، پاک بھارت کشیدگی، موجودہ حالات کے حوالے سےکمیٹی کو بریف کیا جائے گا۔
گزشتہ رات کی بھارتی جارجیت اور پاک فوج کے دندان شکن جواب اورآئندہ کےلائحہ عمل پر غور ہوگا۔
یاد رہے گذشتہ روز بھارت نےاسٹینڈ آف ہتھیار استعمال کرکے شہری آبادی کو نشانہ بنایا تھا ، بھارت نے مریدکے،بہاولپور،کوٹلی اورمظفرآبادمیں حملےکیے، بھارتی جارحیت میں خواتین اور بچے شہید ہوئے تھے۔
مزید پڑھیں : بھارت نے اپنی فضائی حدود سے میزائل حملہ کیا ہے، ڈی جی آئی ایس پی آر
بعد ازاں پاک فوج نے کارروائی کرتے ہوئے دشمن کے5طیارے مار گرائے، طیاروں میں 3 رافیل، ایک مگ 29 اور ایک سخوئی ایس یو30شامل ہے، بھارتی طیاروں کوبھارتی فضائی حدودمیں ہی مارگرایا۔
پاک فضائیہ نےمنہ توڑکارروائی کےدوران ایک ڈرون بھی مارگرایا اور بھارت کا بریگیڈ ہیڈ کوارٹرز تباہ کر دیا تھا۔
پاک فوج نے میزائل حملے میں کنٹرول لائن پر دودھنیال سیکٹر میں دشمن کی پوری پوسٹ کا صفایا کر دیا، پاک فوج نے ایل او سی پر بھارت کی گفدار اور چھتری پوسٹیں تباہ کردیں۔
پاک فوج کی کارروائی پر جولی پوسٹ، بڈوری سیکٹر میں دشمن کے پچاس فوجی پوسٹیں چھوڑ کر بھاگ گئے، پیر کانٹی سیکٹر میں بھی چالیس بھارتی فوجی پوسٹیں چھوڑ کر بھاگ نکلے۔
