نئی دہلی : بھارتی ریاست آندھرا پردیش میں ٹرین کو حادثہ پیش آیا ہے جس کے نتیجے میں کم از کم 23 افراد ہلاک اور متعدد زخمی ہوگئے ہیں۔
تفصیلات کےمطابق ایسٹ کوسٹ ریلوے کے سربراہ جے پی مشرا کا کہنا ہے کہ یہ حادثہ وزیاناگرم ضلعے میں کونیرو اسٹیشن کے قریب اس وقت پیش آیا جب انجن اور سات بوگیاں پٹری سے اتر گئیں۔
ٹرین کے پٹری سے اترنے کی وجہ یاحال واضح نہیں ہو سکی ہے۔تاہم امدادی کارکنوں کا کہنا ہے کہ ہلاکتوں میں اضافے کا خدشہ ہے۔
خیال رہے کہ یہ حادثہ گزشتہ رات پیش آیا جب ایک ٹرین جگدالپور سے پھونیشور کی جانب جا رہی تھی۔
مزید پڑھیں: بھارتی ریاست کانپور میں ٹرین حادثہ،142 افراد ہلاک
یاد رہےکہ گزشتہ سال نومبر میں بھارت کی ریاست کانپور میں مسافر ٹرین حادثے کے نتیجے میں کم از کم 142 افراد ہلاک جبکہ 150 سے زائد افراد زخمی ہوگئے تھے۔
واضح رہےکہ مارچ 2015 میں بھی اتر پردیش میں ہی پیش آنے والے ایک حادثے میں 39 افراد ہلاک اور 150 زخمی ہوگئے تھے۔
