سڈنی : بھارت اور آسٹریلیا کی کرکٹ ٹیموں کے درمیان درمیان3ون ڈے بین الاقوامی میچوں کی سیریز کا پہلا میچ آج سڈنی کے کرکٹ گراؤنڈ میں کھیلا جارہا ہے۔
ٹاس جیت کر آسٹریلیا نے پہلے بیٹنگ کا فیصلہ کیا ور مقررہ پچاس اوورز میں6 وکٹوں کے نقصان پر 374 رنز بنائے، کپتان ایرون فنچ اور سٹیو سمتھ کی عمدہ سنچریوں کی بدولت بھارت کو 375رنز کا بڑا ہدف دے دیا۔
ODI century No.17 for Aaron Finch! #AUSvIND pic.twitter.com/NipnX4d8m6
— cricket.com.au (@cricketcomau) November 27, 2020
کپتان ایرون فنچ نے عمدہ بیٹنگ کرتے ہوئے124 گیندوں پر 2 چھکوں اور9 چوکوں کی مدد سے114 رنز بنائے جبکہ اسٹیو سمتھ نے انتہائی دھواں دار بلے بازی کرتے ہوئے صرف66 گیندوں پر4 چھکوں اور11 چوکوں کی مدد سے105 رنز کی عمدہ اننگز کھیلی۔ دیگر بلے بازوں میں ڈیوڈ وارنر69، گلین میکس ویل 45 اور ایلکس کیری17 رنز بنا سکے۔
Steve Smith tells @FoxCricket he’s targeting 370 as Australia’s total!
You won’t want to miss this: https://t.co/xIpYIYxcDm#AUSvIND pic.twitter.com/IJSvDU4SAr
— cricket.com.au (@cricketcomau) November 27, 2020
بھارت کی جانب سے فاسٹ باﺅلر محمد شامی سب سے کامیاب بالر ثابت ہوئے جنہوں نے10 اوورز میں59 رنز کے عوض3 کھلاڑیوں کو پویلین کی راہ دکھائی جبکہ جسپریت بمرا، نوودیپ سائنی اور یوزویندرا چھاہل نے ایک، ایک کھلاڑی کو آﺅٹ کیا۔
بھارتی ٹیم دورہ آسٹریلیا کے دوران3 ون ڈے، 3ٹی ٹوئنٹی انٹرنیشنل اور4 ٹیسٹ میچوں کی سیریز کھیلے گی۔ دونوں ٹیموں کے درمیان3 ون ڈے میچوں کی سیریز کا پہلا میچ سڈنی، دوسرا ون ڈے میچ 29نومبر کو سڈنی میں ہی کھیلا جائے گا جبکہ سیریز کا تیسرا اور آخری ون ڈے میچ 2دسمبر کو آسٹریلوی دارلحکومت کینبرا میں کھیلا جائے گا۔
اس کے بعد3 ٹی ٹوئنٹی انٹرنیشنل میچوں پر مشتمل سیریز کا پہلا میچ 4دسمبر کو کینبرا میں کھیلا جائے گا، دوسرا میچ 6دسمبر کو سڈنی میں کھیلا جائے گا جبکہ تیسرا اور آخری ٹی ٹوئنٹی میچ 8دسمبر کوسڈنی میں ہی کھیلا جائے گا۔
