پاکستان کی تاریخی فتح نے بھارتی سورماؤں کیساتھ ساتھ بھارتی ناقدین کو شرمندگی پر مجبور کردیا ہے، بھارتی اداکار کمال راشد خان نے پاکستانی ٹیم کو ‘گلی کی ٹیم’ کہنے پر معافی مانگ لی۔
بھارتی فلم انڈسٹری سے وابستہ اداکار کمال راشد خان نے پاکستان کرکٹ ٹیم کو پاک بھارت میچ سے قبل ٹوئٹر پر تنقید کا نشانہ بناتے ہوئے ‘گرین شرٹش کو جوہو کی گلیوں کی کرکٹ ٹیم سے تشبیہ دی تھی’۔
پاکستان کے ہاتھوں 10 وکٹوں سے بھارت کی عبرتناک شکست نے کمال راشد خان کا غرور خاک میں ملا دیا، جس کے بعد انہوں نے شرمندگی کا اظہار کرتے ہوئے شاہینوں کی تعریفوں کے پل باندھ دئیے۔
بھارت اداکار نے کہا کہ ‘میں پاکستانی ٹیم کو جوہو کی گلیوں کی ٹیم کہنے پر معافی مانگتا ہوں، میں نے پاکستانی ٹیم کو 5 سے 6 برس بعد کھیلتے دیکھا اور مجھے اندازہ نہیں تھا کہ یہ ٹیم اتنی بہترین کارکردگی دکھائے گی’۔
Today, I watched Pakistan team playing after 5-6 years, So I didn’t know that it’s so good. So I am really sorry for comparing it with Juhu Gali team. #IndvsPak #ICCT20WorldCup2021
— KRK (@kamaalrkhan) October 24, 2021
کمال راشد خان نے اپنے ٹوئٹس میں بھارتی ٹیم کے کپتان ویرات کوہلی اور وزیراعظم نریندر مودی کو تنقید کا نشانہ بنایا ویرات سے مستعفی ہونے کا مطالبہ بھی کیا۔
بھارتی اداکار نے ویرات کو تنقید کا نشانہ بناتے ہوئے پاکستانی کپتان بابر اعظم کو ویرات سے بڑا کھلاڑی قرار دیا۔
Today’s match is proof that #viratkholi is very bad captain and Indian team is very weak. Therefore India can’t win #ICCT20WorldCup!
— KRK (@kamaalrkhan) October 24, 2021
خیال رہے کہ گزشتہ روز بابر اعظم اور محمد رضوان کی 152 رنز کی ناقابل شراکت داری نے پاکستان کو تاریخی فتح سے ہمکنار کرنے میں کلیدی کردار ادا کیا ہے۔