The news is by your side.

Advertisement

برفانی مخلوق سے متعلق بھارتی فوج کا دعویٰ سوشل میڈیا پر مذاق بن گیا

پاکستانی ایف 16 گرانے کے مضحکہ خیز دعوے کے باعث بھارتی فوج کی سبکی کا سلسلہ جاری تھا کہ ایک اور انوکھا دعویٰ سامنے آگیا.

تفصیلات کے مطابق بھارتی ایڈیشنل ڈائریکٹوریٹ جنرل آف پبلک انفارمیشن کے ٹویٹر اکاؤنٹ سے ایسا دعویٰ سامنے آیا ہے کہ خود بھارتیوں نے سر پیٹ لیے.

ساٹھ لاکھ فالورز والے اس اکاؤنٹ پر چند تصاویر شیئر کرتے ہوئے یہ دل چسپ موقف اختیار کیا گیا ہے کہ بھارتی فوج کو ‘ییٹی’ نامی  پراسرار برفانی مخلوق کے قدموں کے نشانات ملے ہیں.

ٹویٹ کے مطابق ہمالیہ کے پہاڑی سلسلے میں ماکالو بیس کیمپ کے قریب ایک مافوق الفطرت اور دیومالائی عفریت ‘ییٹی’ کے قدموں کے نشان نظر آئے ہیں.

خیال رہے کہ ییٹی ایک دیو قامت بن مانس کی نسل کی مخلوق ہے، جس کا ذکر جنوب مشرقی ایشیا کی لوک داستانوں میں باکثرت ملتا ہے۔

اسے کئی فلموں اور کتابوں‌ کا بھی موضوع بنایا گیا، ساتھ ہی سنجیدہ محقیقین نے اس پر تحقیق بھی کی.

تمام تر ریسرچ اور دعووں کے باوجود ییٹی نامی مخلوق کی موجودگی کے کبھی کوئی شواہد نہیں ملے، البتہ ایک بڑا طبقہ اس کے ہونے پر یقین رکھتا ہے.

مزید پڑھیں: بھارتی فوج کومودی کی سینا قراردینا آدیتیہ ناتھ کو مہنگا پڑ گیا، اپوزیشن کی کڑی تنقید

 اب انڈین فوج بھی اسی دعوے کو سچا ثابت کرنے پر مصر ہے، اس ضمن میں‌ ٹویٹر پر تصویر شیئر کی گئیں، جن کا پڑھے لکھے بھارتوں نے خوب مذاق اڑیا اور افسوس کا اظہار کیا کہ دفاعی ادارے ایک لاحاصل بحث میں‌ الجھ کر اپنا اور باقیوں کا وقت ضایع کر رہے ہیں.

انڈین فوج نے اس مخلوق کے قدموں کے نشانوں کی تصاویر جاری کر کے اس کے حقیقی ہونے کے تصوارت کو توقیت دی ہے۔

Comments

comments

یہ بھی پڑھیں