تازہ ترین

مقبوضہ کشمیر میں بھارتی فوج کا ایک اور ہیلی کاپٹر گر کر تباہ

سری نگر : بھارتی فوج کا ہیلی کاپٹر مقبوضہ جموں و کشمیر میں گر کر تباہ ہوگیا، حادثے کے نتیجے میں دونوں پائلٹس زخمی ہوگئے۔

تفصیلات کے مطابق مقبوضہ کشمیر کے ضلع ادھم پور میں بھارتی فوج کا ہیلی کاپٹر گر کر تباہ ہوگیا ، جس کے نتیجے میں ہیلی کاپٹر میں سوار دونوں پائلٹس زخمی ہوگئے۔

بھارتی میڈیا کا کہنا ہے کہ ہیلی کاپٹرمعمول کی پروازپرتھا تاہم پولیس نے کہا ہے کہ علاقے میں زیادہ دھند کے باعث کے باعث یہ حادثہ پیش آیا ہے۔

ایک پولیس افسر نے بتایا کہ ایک سرچ ٹیم موقع پر پہنچ گئی جبکہ مقامی لوگوں نے دو زخمی فوجیوں کو باہر نکالنے میں مدد کی۔

یاد رہے گذشتہ ماہ 3 اگست کوبھارتی فوج کا ٹو ففٹی فور اے اے ہیلی کاپٹر مقبوضہ کشمیر میں رنجیت ساگر ڈیم کے قریب گر کر تباہ ہوا تھا ، تاہم حادثے میں دونوں پائلٹس محفوظ رہے۔

اس سے قبل رواں سال جنوری میں جموں کشمیر پنجاب سرحد کے قریب کٹھوعہ ضلع کھن پور میں بھارتی فوج کا ہیلی کاپٹر گر کر تباہ ہوگیا تھا ، جس کے نتیجے میں ایک پائلٹ ہوگیا تھا۔

Comments

- Advertisement -