راجستھان : بھارتی ریاست راجستھان میں فوجی مشق کے دوران اچانک میزائل فائر ہوگیا، تاہم کوئی کوئی جانی نقصان نہیں ہوا۔
تفصیلات کے مطابق جنگی جنون میں مبتلا بھارتی فوج اپنے ہی لوگوں کیلئے خطرہ بن گئی اور غلطی سے میزائل فائر کرنا فوج کی عادت بن گئی ہے۔
بھارتی میڈیا کا کہنا ہے کہ بھارتی ریاست راجستھان میں فوجی مشق کے دوران اچانک میزائل فائر ہوگیا، واقعہ پوکھران میں فوجی فیلڈ فائرنگ پریکٹس کے دوران پیش آیا، جس میں تین میزائل فائر ہوئے۔
بھارتی فوجی حکام کا دعویٰ ہے کہ میزائل ایک طیارے پر نصب تھا میزائل طیارے میں نصب تھا لیکن ملبہ کھیتوں میں گرا ہے تاہم واقعے میں کوئی جانی نقصان نہیں ہوا، تحقیقات کا حکم دے دیا گیا ہے۔
گزشتہ دنوں بھی بھارتی فوج نے ٹریننگ کے دوران اپنے ہی گاؤں پر مارٹر گولہ پھینک دیا تھا، جس سے تین افراد ہلاک ہوگئے تھے۔
خیال رہے گذشتہ سال مارچ میں براہموس میزائل غلطی سے داغا گیا جو پاکستان میں گرا، میزائل بھارتی علاقے ہریانہ سے فائر ہوا اور میاں چنوں میں آکر گرا تھا۔ حادثےمیں میاں چنوں میں شہری املاک کونقصان پہنچا تاہم جانی نقصان نہیں ہوا تھا۔
