پاکستانی بیٹر محمد حارث کی دلکش اننگز نے بھارتی بولر ایشون کو تعریف کرنے پر مجبور کردیا۔
تفصیلات کے مطابق آئی سی سی ٹی ٹوئنٹی ورلڈکپ میں پاکستان اور جنوبی افریقا کا اہم ترین میچ جاری ہے، جو ٹیم ہاری اسے کا ورلڈکپ میں سفر اختتام پزیر ہوجائے گا۔
پاکستان نے پروٹیز کو جیت کے لئے 185 رنز کا ہدف دیا ہے، میچ کی خاص بات شاداب خان اور افتخار احمد کی شاندار اننگز تھی۔
Just 5 balls in and this Haris. Phew🔥🔥. #T20WorldCup #notjinxingit 👏👏
— Ashwin 🇮🇳 (@ashwinravi99) November 3, 2022
اس کے علاوہ فخر زمان کی جگہ ٹیم میں شامل ہونے والے محمد حارث نے 11 گیندوں پر 28 رنز کی برق رفتار اننگز تھی، اس اننگز میں 3 چھکے اور 2 چوکے شامل تھے۔
یہ بھی پڑھیں: ’حارث پاکستان کی ایک اچھی سلیکشن ہے‘
محمد حارث کی اننگز پر بھارتی بولر ایشون نے ٹوئٹ کرتے ہوئے کہا کہ صرف 5 گیندوں پر حارث نے شاندار کھیل کھیلا۔
Mohd Haris is carrying his PSL style into the World Cup! This is done start!
— Harsha Bhogle (@bhogleharsha) November 3, 2022
اس سے قبل بھارت کے معروف صحافی اور کمنٹیٹر ہرشا بھوگلے نے بھی پاکستان کے نوجوان وکٹ کیپر بیٹر محمد حارث کے ورلڈکپ میں شاندار آغاز پر ان کی تعریف کی تھی۔
انہوں نے ایک اور ٹوئٹ میں لکھا کہ آپ بہادری سے جیتے ہیں اور بہادری سے ہی مرتے ہیں، حارث پاکستان کی ایک اچھی سلیکشن ہے۔
