نئی دہلی : بھارتی چیف جنرل انیل چوہان کے طیارے گرنے کے اعتراف پر اپوزیشن نے پارلیمنٹ اجلاس بلانے کا مطالبہ کردیا۔
تفصیلات کے مطابق آپریشن سندور کے نقصانات پر بھارت کے چیف آف ڈیفنس اسٹاف کے بیان پر بھارتی سیاست میں شدید تشویش پائی جاتی ہے۔
سی ڈی ایس جنرل انیل چوہان کے انٹرویو میں نقصانات کو جنگ کا معمول حصہ قرار دینے پر بھارتی سیاست میں طوفان برپا ہوگیا۔
کانگریس صدرملکارجن کھرگے کی قیادت میں اپوزیشن نے برہمی کا اظہار کرتے ہوئے فوری پارلیمنٹ کا خصوصی اجلاس بلانے کا مطالبہ کردیا۔
اپوزیشن نے مودی حکومت پر ملک کو گمراہ کرنے کا الزام لگاتے ہوئے کہا کہ مودی حکومت نے عوام سے حقائق چھپائے، آپریشن سندور اور اس کے بعد کے حالات پر عوام سے دروغ گوئی بند کی جائے،
کانگریس رہنمامنوج کمار نے کہ کہ قومی سلامتی کے نام پرحقائق کیوں چھپائے جا رہے ہیں، گزشتہ 2ہفتےمیں مودی سرکار12مرتبہ بیان بدل چکی ہے۔
منوج کمار کا کہنا تھا کہ یہ بات شایدپاکستان کے لیے اہم نہ ہومگرہماری بھارتی عوام کےلیے ضرور ہے، سی ڈی ایس کے بیان کو سنجیدگی سے لینا چاہیے کیونکہ اس میں ہمارے لیے اہم سوالات اور تشویش پوشیدہ ہے، چیف آف ڈیفنس اسٹاف نے سنگاپور میں اعتراف کیا ہمارے جہازپاکستان نے گرائے ہیں، جو کہ ایک سنجیدہ معاملہ ہے۔
کانگریس رہنماپون کھیرا نے کہا کہ بھارتی حکومت کوسی ڈی ایس کےبیان پرآگےآناہوگا، 1962میں جنگ کےدوران پارلیمنٹ سیشن ہوسکتاہےتواب کیوں نہیں؟ مودی حکومت بتائےسیزفائرکی امریکی شرائط کیا تھیں۔
یونین منسٹرگجیندر سنگھ شکھ نے بھی سوال اٹھایا کہ مودی سرکار عوام کو سچ سے کیوں دوررکھ رہی ہے؟
