The news is by your side.

Advertisement

بھارتی میاں بیوی اسمگلنگ کرتے ہوئے رنگے ہاتھوں گرفتار

بنگلور : بھارت میں ایئر پورٹ کے عملے نے کروڑوں روپے مالیت کا سامان بیرون ملک اسمگل کرنے والے میاں بیوی کو گرفتار کرلیا،

تفصیلات کے مطابق بھارتی کسٹم حکام نے کرناٹک کے بنگلور میں واقع کمپیگوڈا انٹرنیشنل ایئرپورٹ (کے آئی اے) پر ایک جوڑے کی تلاشی کے دوران ان کے سامان سے 2.8 کروڑ روپے مالیت کے آئی فونز برآمد کیے۔

کسٹم حکام نے گزشتہ روز بھآرتی میڈیا کو بتایا کہ انہوں نے اتوار کی شب دو مسافروں کے قبضے سے206 نئے آئی فونز12 پرو اور پرو میکس موبائل فونز برآمد کیے ہیں۔

بھارتی میڈیا رپورٹس میں بتایا گیا ہے کہ ان فونز کی خریداری میں استعمال ہونے والے37 ڈیبٹ اور کریڈٹ کارڈ بھی ان سے ضبط کیے گئے ہیں۔

دونوں میاں بیوی کو فوری طور پر حراست میں لے کر تھانے منتقل کیا گیا، بعد ازاں جوڑے کو مجسٹریٹ کے سامنے پیش کیا گیا جہاں سے انہیں 12 مارچ تک عدالتی تحویل میں جیل بھیج دیا گیا۔

Comments

یہ بھی پڑھیں