تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

بھارتی عدالت نے کنگنا رناوت کے خلاف فیصلہ سنادیا

ممبئی: بالی ووڈ اداکارہ کنگنا رناوت کے خلاف بھارتی عدالت نے فیصلہ سناتے ہوئے غیر قانونی تعمیرات گرانے سے متعلق درخواست مسترد کردی۔

بھارتی میڈیا رپورٹس کے مطابق عدالت نے اداکارہ کنگنا رناوت کی فلیٹوں میں غیر قانونی تعمیرات گرانے سے برہن ممبئی میونسپل کارپوریشن کو روکنے کی درخواست مستر د کردی، عدالت نے ریمارکس دئیے کہ کنگنا رناوت نے اپنے تین فلیٹوں کو بنانے وقت منظور شدہ اسکیم کی سنگین خلاف ورزی کی۔

ممبئی کی مضافاتی علاقہ ڈنڈوشی کی عدالت نے گزشتہ ہفتے داخل درخواست کو خارج کرتے ہوئے ریمارکس دئیے کہ اداکارہ نے شہر کے کھار علاقے میں 16 منزلہ عمارت کی پانچویں منزل پر اپنے تین فلیٹوں کو ملایا ہے۔

مزید پڑھیں: کنگنا رناوت ’سڑا ہوا سیب‘ قرار

جج نے کہا کہ ایسا کرتے ہوئے انہوں نے سنک ایریا، ڈکٹ ایریا اور عام راستہ کو کور کردیا جو منظور شدہ اسکیم کی سنگین خلاف ورزی ہے۔

عدالت کا فیصلے میں کہنا تھا کہ اداکارہ کو فلیٹ کو بنانے سے قبل مجاز اتھارٹی کی منظوری لینا چاہئے تھی۔

واضح رہے کہ برہن ممبئی میونسپل کارپوریشن نے مارچ 2018 میں اداکارہ کنگنا رناوت کو ان کے کھار کے تین فلیٹوں میں غیر قانونی تعمیرات پر نوٹس جاری کیا تھا۔

Comments

- Advertisement -