ناگپور: بھارتی آل راؤنڈر رویندر جڈیجہ کی 5 ماہ بعد واپسی ہو رہی ہے، اس حوالے سے انھوں نے ایک ویڈیو پیغام میں اپنے جوش و جذبے کا اظہار کیا ہے۔

بھارتی کرکٹ بورڈ کی جانب سے اتوار کو جاری کردہ ایک ویڈیو میں بھارتی کرکٹر رویندر جڈیجہ نے کہا کہ ’’گھٹنے کی چوٹ اور سرجری کی وجہ سے پانچ ماہ سے زیادہ عرصے سے باہر رہنے کے بعد ایک بار پھر ہندوستانی جرسی پہننے کا منتظر ہوں۔‘‘

جڈیجہ نے کہا کہ تقریباً پانچ ماہ بعد ایک بار پھر ہندوستانی جرسی پہننے کو لے کر میں بہت پرجوش ہوں، اور یہ میری خوش قسمتی ہے کہ مجھے ایک بار پھر یہ موقع ملا ہے۔

جڈیجہ نے کہا ’’میرے گھٹنے میں مسئلہ تھا اور مجھے جلد یا بہ دیر سرجری کروانی تھی، مجھے فیصلہ کرنا تھا کہ سرجری ٹی ٹوئنٹی ورلڈ کپ کے بعد کروانی ہے یا اس سے پہلے۔‘‘

انھوں نے کہا ’’ڈاکٹر نے مشورہ دیا کہ مجھے سرجری پہلے کروا لینی چاہیے کیوں کہ ویسے بھی میرے ورلڈ کپ کھیلنے کے امکانات بہت کم ہیں، اس لیے میں نے سرجری کروانے کا فیصلہ کیا۔‘‘

Excitement of comeback 👌
Story behind recovery 👍
Happiness to wear #TeamIndia jersey once again 😊

All-rounder @imjadeja shares it all as India gear up for the 1⃣st #INDvAUS Test 👏 👏 – By @RajalArora

FULL INTERVIEW 🎥 🔽https://t.co/wLDodmTGQK pic.twitter.com/F2XtdSMpTv

— BCCI (@BCCI) February 5, 2023

جڈیجہ نے کہا کہ سرجری کے بعد کا وقت بہت مشکل تھا کیوں کہ آپ کو مسلسل ٹریننگ اور ری ہیب میں مصروف رہنا پڑتا ہے، ٹی وی پر میچ دیکھتے ہوئے سوچتا تھا کہ کاش میں وہاں ہوتا۔