The news is by your side.

Advertisement

وارنر کے زخمی ہونے پر بھارتی کرکٹر خوش، سوشل میڈیا صارفین برس پڑے

بھارتی کرکٹر راہول اسپورٹس مین اسپرٹ بھول گئے، مایہ ناز اوپنر ڈیوڈ وارنر کے زخمی ہونے پر خوشیاں منانے لگے۔

راہول کے ریمارکس پر سوشل میڈیا صارفین نے سخت ناپسندیدگی کا اظہار کرتے ہوئے شدید تنقید کا نشانہ بنایا اور انہیں حریف کھلاڑی کے زخمی ہونے پر اظہارِ مسرت کرنے کی بجائے اسپورٹس مین اسپرٹ کا سبق یاد دلا دیا۔

ڈیوڈ وارنر اتور کو سڈنی میں کھیلے گئے دوسرے ون ڈے میں فیلڈنگ کے دوران انجرڈ ہو کر میدان سے باہر چلے گئے تھے اور ڈاکٹرز نے ان کی انجری کو سنجیدہ نوعیت کی قرار دیتے ہوئے آرام کا مشورہ دیا تھا۔

بھارت کے خلاف آخری ون ڈے

سے قبل آسٹریلوی ٹیم کو دھچکا

انجری کے شکار وارنر بھارت کے خلاف تیسرے ون ڈے اور ٹی ٹوئنٹی سیریز سے باہر ہوگئے۔ اس متعلق میچ کے بعد جب پریس کانفرنس میں کے ایل راہول سے سوال کیا گیا تھا تو وہ مسکرانے لگے اور خطرناک بیٹسمین کے انجرڈ ہونے پر مسرت کا اظہار کرنے لگے۔

راہول نے مسکراتے ہوئے کہا کہ وارنر کا انجرڈ ہونا ہمارے لیے خوش آئند ہے، مجھے نہیں معلوم کہ وہ کتنا براُ زخمی ہوئے ہیں لیکن اچھا ہے کہ اگر وہ طویل عرصہ انجرڈ رہتے ہیں، یہ تو ہمارے حق میں بہتر ہے۔

بھارتی کرکٹر کے ریماریکس پر انہیں شدید ردعمل کا سامنا کرنا پڑ رہا ہے اور شائقین کرکٹ نے ایسے بیانات پر سخت ناراضی کا اظہار کیا ہے۔

Comments

یہ بھی پڑھیں