مالدیپ کے نو منتخب صدرمحمد معیزو مودی سرکار کی مالدیپ میں مداخلت کے خلاف اٹھ کھڑے ہوئے اور روایت توڑتے ہوئے پہلا سرکاری دورہ ترکی کا کیا۔
تفصیلات کے مطابق مالدیپ کے وسائل پر قابض ہونے کا بھارتی خواب چکنا چور ہوگیا، مالدیپ کے نومنتخب صدرمحمد معیزو مودی سرکارکی مالدیپ میں مداخلت کےخلاف کھڑے ہوگئے۔
صدارت کا عہدہ سنبھالنے کے بعد محمد معیزو نے بھارت کے دورے کی روایت توڑتے ہوئے پہلا سرکاری دورہ ترکی کا کیا۔
منٹ کے مطابق محمد معیزو نے بھارت سے تعلقات کو پس پشت ڈالتے ہوئے مالدیپ کی خارجہ پالیسی کو نئے سرے سے ترتیب دینے کا اعلان کرتے ہوئے مالی سے ہندوستانی فوجیوں کو واپس جانے کا حکم دیا ہے۔
مالدیپ صدر کا کہنا تھا کہ پارلیمانی منظوری کے بغیرغیرملکی فوجیوں کی مالدیپ میں تعیناتی آئین کے منافی اوربین الاقوامی قدروں کے خلاف ہے۔
ٹائمز آف انڈیا کے مطابق محمد معیزو نے بھارتی فوج کی موجودگی کو ملکی استحکام کےلئے خطرہ قراردیا جو مالدیپ کی جانب سے بھارت کو کھلی بغاوت اور براہ راست نشانہ بنانے کا پیغام ہے۔
