نئی دہلی : بھارتی کسان نے دلہن بنی بیٹی کی خواہش پوری کرنے کےلیے ہیلی کاپٹر کرائے پر لے لیا۔
شادی کے وقت ہر باپ کی تمنا ہوتی ہے کہ وہ اپنی بیٹی کی ہر خواہش پوری کرے اور دنیا کی تمام خوشیاں اس کی جھولی میں ڈال دے۔ بھارتی ریاست راجھستان سے تعلق رکھنے والے کسان کی بھی یہی تمنا تھی اور اس نے اپنی بیٹی کی خواہش ایسے پوری کی کہ لوگ دنگ رہ گئے۔
بھارتی کسان مہندرا سنگھ جو کئی برسوں سے ملازمت کی غرض سے بیرون ملک مقیم تھا کی بیٹی رینا نے اپنے باپ سے کہا تھا کہ ’آپ تو ہوائی جہاز میں آتے جاتے رہتے ہیں، میں کب جہاز میں بیٹھ کر ہواؤں میں اڑوں گی‘۔
میڈیا رپورٹس کے مطابق مہندا سنگھ جس نے اپنی بیٹی پر خواہش پوری کی تھی نے فیصلہ کیا کہ وہ اپنی بیٹی کی شادی کے موقع پر اسے عزت سے رخصت کرے گا لہذا اس نے ہیلی بک کرنے کےلیے انتظامیہ سے اجازت لی اور بیٹی کی رخصتی کےلیے ہیلی کاپٹر بُک کرلیا۔
Jhunjhunu: Departure of a bride, Reena after her marriage was on a helicopter arranged by her father in Ajitpura village. Mahendra Solakh, bride’s father says,”I planned this a year back and shared the idea with my family when the wedding was 2 months away.” (21.11) #Rajasthan. pic.twitter.com/zRhDmHrNFD
— ANI (@ANI) November 22, 2019
مقامی خبر رساں ادارے کا کہنا تھا کہ رینا اس موقع پر اپنی تمام دوستوں کو بھی مدعو کیا ہوا تھا، جو رینا کی شاندار رخصتی دیکھ کر حیران رہ گئیں۔
بھارتی میڈیا کا کہنا تھا کہ رخصتی کے وقت روایتی رسم و رواج کے بعد ہیلی کاپٹر نے پرواز بھری اور دلہا دلہن لے کر اجیتپور رواںہ ہوگیا اور رینا کی سسرال سلطانہ پیلس میں لینڈ کرکے رینا کا خواب پورا کردیا۔
