بھارت سے محبت اورامن کا پیغام لے کرآئی ہوں: بھارتی وزیرخارجہ سشما سوراج -
The news is by your side.

Advertisement

بھارت سے محبت اورامن کا پیغام لے کرآئی ہوں: بھارتی وزیرخارجہ سشما سوراج

اسلام آباد: بھارتی وزیرخارجہ سشما سوراج ’ہارٹ آف ایشیا‘ کانفرنس میں شرکت کے لئے اسلام آباد پہنچ چکی ہیں۔

پاکستان آمد پرسشما سوراج کو پاکستانی وزارتِ خارجہ کے اعلیٰ ترین حکام نے خوش آمدید کہا۔

بھارتی وزیرخارجہ اپنے اس دورے میں پاکستانی وزیراعظم نواز شریف اوران کے مشیربرائے خارجہ امور سرتاج عزیز سے بھی ملاقات کریں گی۔

سشما سوراج کے ہمراہ بھارتی سیکرٹری خارجہ جے شنکر اور ترجمان سروپ بھی موجود ہیں۔

انہوں نے کہا کہ یہ کانفرنس افغانستان سے منسلک ہے اس لئے میں خصوصی طور پر اس میں شرکت کے لئے آئی ہوں۔

اس موقع پرمیڈیا سے گفتگو کرتے ہوئے کہا کہ بھارت سے محبت اورامن کا پیغام لےکرآئی ہوں۔

ان کا کہنا تھا کہ چاہتے ہیں کہ پاکستان کے ساتھ رشتے اچھے ہوں اورتعلقات مزید آگے بڑھیں۔

پانچویں ’ہارٹ آف ایشیا‘ کانفرنس کاانعقاد اسلام آباد میں ہورہا ہے اور اس سال اس کا خصوصی موضوع افغانستان میں قیام امن ہے۔

Comments

comments

یہ بھی پڑھیں