گوجرانوالہ : مسیحی رہنما کا کہنا ہے کہ آئی جی پنجاب نے بتایا جڑانوالہ واقعے میں بھارتی خفیہ ایجنسی را کی سازش کا انکشاف ہوا، تو اس کی مکمل تحقیقات کی جائیں۔
تفصیلات کے مطابق سانحہ جڑانوالہ کے حوالے سے مسیحی رہنماؤں نے پریس کانفرنس کرتے ہوئے علمائےاکرام اور ریاست پاکستان کا شکر ادا کیا۔
مسیحی رہنما کا کہنا تھا کہ آئی جی پنجاب نےکہا جڑانوالہ واقعےمیں را کی سازش کا انکشاف ہوا، اگر کوئی بھی غیر ملکی سازش ہے تو اس کی مکمل تحقیقات کی جائیں۔
- Advertisement -
مسیحی رہنما نے کہا کہ بھارت اپنےملک میں اقلیتوں کو تحفظ دے،کشمیریوں کا قتل عام بند کرے ، ہمارا مذہب تمام مذاہب کے احترام کا درس دیتا ہے۔
مسیحی رہنماؤں نے اداروں سے مطالبہ کیا کہ جڑانوالہ واقعے کی مکمل تحقیقات کرائی جائیں، مسیحی برادری نے پاکستان بنانے اور بچانے میں ہمیشہ اہم کردار ادا کیا۔
