لاہور : گورنر پنجاب چوہدری سرور نے کہا ہے کہ بھارت 70 برس سے بندوق اور ٹینک استعمال کرکے بھی کشمیریوں کو دبانے میں ناکام رہا ہے۔
ان خیالات کا اظہار گورنر پنجاب چوہدری محمد سرور بھارتی صحافی کی کشمیری بچوں سے گفتگو کی ویڈیو شیئر کرتے ہوئے کیا، انہوں نے اپنے ٹویٹ میں کہا کہ ویڈیو میں کشمیری بچے پاکستان اور چین کی تعریف کررہے ہیں۔
گورنر پنجاب کے ٹویٹر اکاؤنٹ سے شیئر ہونے والی ویڈیو میں دیکھا جاسکتا ہے کہ کشمیری بچے بھارت سے نفرت کا اظہار کررہے ہیں۔
چوہدری سرور نے ویڈیو کے کیپشن میں کہا کہ بھارت کشمیر میں دنیا کی سب سے بڑی دہشت گردی کررہا ہے، بندوق اور ٹینک استعمال کرکے بھی 70 برس میں بھارت کشمیریوں کو دبانے میں ناکام رہا ہے۔
گورنر پنجاب نے کہا کہ 95 ہزار سے زائد کشمیری بھارتی افواج کی دہشتگردی کا نشانہ بن چکے ہیں، لیکن دنیا کی کوئی طاقت کشمیریوں کے حوصلے پست نہیں کرسکتی، انشاءاللہ کشمیر ضرور آزاد ہوگا۔
مقبوضہ کشمیر میں بھارتی افواج 70 سالوں سے بندوق سے لیکر ٹینک تک ہر طاقت استعمال کر رہی ہے'95ہزارکشمیر ی شہید '1لاکھ 7ہزار بچے یتیم ہوچکے.مگر کشمیری بچوں کی #Pakistan سے محبت اوربھارتی صحافی سے گفتگو ثابت کر رہی ہے کشمیر بنے گا پاکستان. کشمیری #India سے نفرت کرتے ہیں
#Kashmir pic.twitter.com/07dStpIACO— Mohammad Sarwar (@ChMSarwar) August 19, 2021
