پہلے زمانے میں لوگ کوؤں سے فصلوں کو محفوظ رکھنے کےلیے ڈراؤنے پتلے کھیتوں میں نصب کرتے تھے مگر بھارتی کسان سے شہری کو جانور کا لباس پہنا کر جانوروں کو ڈرانے کیلئے نوکری پر رکھ لیا۔
غیر ملکی میڈیا کے مطابق بھارتی ریاست تلنگانہ کے ایک کسان نے کوؤں، جنگلی سور اور دیگر جانوروں سے اپنی فصلوں کو محفوظ رکھنے کےلیے شہری کو 500 روپے یومیہ پر ملازمت پر رکھ لیا ہے۔
رپورٹ میں کہا ہے کہ بھارتی شہری سست ترین جانور سلاتھ کا لباس پہن کر کھیتوں میں گھومتا ہے جس سے ڈر کر کوّے، سور اور دیگر جانور فصلوں کو برباد کرنے سے دور رہتے ہیں۔
بھارتی شہری سلاتھ کا لباس پہن کر 15 ہزار روپے ماہانہ کما رہا ہے۔
