نئی دہلی: بھارت میں انتہا پسند ہندوآپے سے باہرہوگئے ہیں دلی کے اخلاق احمد کے بعد ایک اور مسلمان کوگائےبچانے کے نام پرقتل کردیا گیا۔
تفصیلات کے مطابق ہیماچل پردیش کے علاقےشملہ میں بجرنگ دل کے غنڈوں نے ٹرک ڈرائیورنعمان کو سرعام اتنا مارا کہ وہ جاں بحق ہوگیا۔ غنڈوں نے الزام لگایا کہ نعمان اپنے ٹرک میں گائے اسمگل کررہا تھا۔
واضح رہے کہ دو ہفتے قبل دلی کے رہائشی اخلاق احمد کوگائےکاگوشت کھانے کا بہانہ بناکرانتہاپسندوں نےقتل کردیا تھا۔
اخلاق کے قتل کے بعد اس کےگھرسےملنےوالےگوشت کی لیب رپورٹ میں ثابت ہوا تھا کہ وہ گائے نہیں بکرے کاگوشت تھا۔
نریندمودی کی حکومت آنےکےبعد سےانتہا پسندہندومسلسل مسلمانوں کو نشانہ بنارہے ہیں اورحکومت نےاس معاملے میں چپ سادھ رکھی ہے۔