The news is by your side.

Advertisement

بھارتی شہری امریکی صدر ٹرمپ کی پوجا کرنے لگا

نئی دہلی: بھارت میں توہم پرستی تو عروج پر ہے لیکن اس حوالے سے بھارتی اب مزید آگے بڑھتے جارہے ہیں بھارتی شہری امریکی صدر ٹرمپ کی پوجا کرنے لگا۔

تفصیلات کے مطابق بھارت میں ٹرمپ کا ایسا مداح موجود ہے جو ٹرمپ کی تصویر سامنے رکھ کر پوجا کرتا ہے اور انہیں بھگوان کا درجہ دیتا ہے، بوسا کرشنا کا کہنا ہے کہ وہ ٹرمپ کا مندر بھی تعمیر کرے گا۔

اکتیس سالہ بوسا کرشنا نلنگانا کے ایک گاؤں میں رہائش پذیر ہے اور وہ گزشتہ تین برسوں سے امریکی صدر ٹرمپ کی پوجا کررہا ہے، کرشنا ان کی تصویر کے سامنے پھلوں اور پھولوں کے چڑھاوے دیتا ہے اور کھلے عام ٹرمپ کو دیوتا قرار دیتا ہے تاہم اس کے دوست احباب اسے پاگل قرار دیتے ہیں۔

جنونی شخص کا کہنا ہے کہ ٹرمپ کی پوجا سے اسے طاقت ملتی ہے اور وہ ٹرمپ کا مندر بھی تعمیر کرے گا، کرشنا ہر جگہ امریکی صدر کی تصویر ساتھ لئے پھرتا ہے اور کہتا ہے کہ وہ اس کی پرستش ہمیشہ کرتا رہے گا۔

بوسا کرشنا نے ٹرمپ سے محبت کا اظہار کرنے کے لیے فیس بک پر پیج بھی بنا لیا ہے اور کہتا ہے کہ مجھے کسی کی پرواہ نہیں ہے میں ٹرمپ کی پوجا کرتا رہوں گا۔

مزید پڑھیں: بھارت: 13 سالہ مسلمان لڑکا بھگوان بن گیا 


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں