بھارتی مسافر دوران پرواز طیارے کے ٹوائلٹ میں پھنس گیا، سپائس جیٹ کی فلائٹ میں ٹوائلٹ کا دروازہ لاک ہوجانے پر مسافر ایک گھنٹے سے زیادہ ٹوائلٹ میں مدد کے لئے پکارتا رہا۔
غیر ملکی ذرائع ابلاغ کے مطابق فلائٹ نمبر SG-268 میں مذکورہ واقعہ پیش آیا، طیارے نے ممبئی ایئرپورٹ سے صبح 2 بجے اڑان بھری۔ ٹیک آف کے بعد سیٹ بیلٹ کی وارننگ ختم ہونے کے فوراً بعد ہی مسافر ٹوائلٹ چلا گیا۔
سپائس جیٹ کے ترجمان کے مطابق مسافر کو سفر کے دوران کیبن کریو مدد فراہم کرتا رہا۔ جب عملے کو اس بات کا علم ہوا تو دروازہ کھولنے کی بہت کوشش کی گئی جو ناکام ثابت ہوئی۔
مسافر کو تسلی دینے کے لیے ایک ایئر ہوسٹس نے واش روم کے دروازے کے نیچے سے کاغذ پر لکھا ایک نوٹ پھسلایا۔ تاکہ مسافر کو تسلی دے سکے۔
بنگلورو ایئرپورٹ انتظامیہ کے مطابق مسافر رات دو بجے ممبئی کی فلائٹ سے روانہ ہوا تھا اور رات 3 بجکر 42 منٹ پر فلائٹ کے لینڈ کرنے تک ٹوائلٹ میں ہی دروازہ کھولنے کی جدوجہد میں مصروف رہا۔
ٹوائلٹ میں پھنسے مسافر کو فلائٹ کے بینگلورو ایئرپورٹ پر لینڈ کرتے ہی انجینئرز نے ریسکیو کیا اور طبی امداد فراہم کی۔
ریسکیو اہلکاروں کا کہنا تھا کہ مسافر تقریباً دو گھنٹے تنگ جگہ میں پھنسے رہنے کے باعث شدید صدمے میں آچکا تھا۔
انٹونی بلنکن کی سوئٹزر لینڈ سے واشنگٹن روانگی میں تاخیر کی وجہ سامنے آگئی؟
انڈین میڈیا کی رپورٹ کے مطابق سپائس جیٹ ایئرلائن نے واقعے کا نوٹس لیتے ہوئے مسافر کو مکمل ٹکٹ ری فنڈ دینے کا فیصلہ کیا ہے۔
