نئی دہلی: بھارتی ائیرفورس کا مگ21طیارہ گرکر تباہ ہوگیا جس کے نتیجے میں اسکواڈرن لیڈر ہلاک ہوا ہے۔
غیرملکی خبررساں ادارے کی رپورٹ کے مطابق جنگی جہاز کا یہ حادثہ بھارتی ریاست پنجاب میں پیش آیا، بھارتی ائیرفورس کا مگ21طیارہ گرکرتباہ ہونے سے اسکواڈرن لیڈر ہلاک ہوگیا۔
بھارتی ایئرفورس کا کہنا ہے کہ طیارہ رات کو معمول کی ٹریننگ پر تھا۔
رپورٹ میں کہا گیا ہے کہ حادثے کے بعد متعلقہ اداروں نے واقعے کی تحقیقات کا آغاز کردیا۔ ابتدائی طور پر امکان ظاہر کیا جارہا ہے کہ یہ حادثہ تکنیکی خرابی کے باعث ممکن ہے۔
واقعے سے متعلق مکمل تحقیقات کے بعد ہی اصل حقائق سامنے آئیں گے۔
There was an aircraft accident last night involving a Bison aircraft of IAF in the western sector. The pilot, Sqn Ldr Abhinav Choudhary, sustained fatal injuries. IAF condoles the tragic loss and stands firmly with the bereaved family.
— Indian Air Force (@IAF_MCC) May 21, 2021
