بھارتی پولیس اہلکار کی ایک ویڈیو وائرل ہورہی ہے جس میں وہ یہ کہتا نظر آرہا ہے کہ جم میں مسلمانوں کو بالکل بھی داخل نہ ہونے دیا جائے۔
ریاست مدھیہ پردیش میں ایک پولیس سب انسپکٹر کی معتصبانہ ویڈیو سامنے آنے کے بعد اسے فیلڈ ڈیوٹی سے ہٹا دیا گیا، پولیس اہلکار نے مبینہ طور پر بھوپال میں ایک جم کے مالک سے مسلمانوں کو داخلے کی اجازت نہ دینے کو کہا جس کی ویڈیو منظر عام پر آگئی۔
Bhopal: Police & VHP Leaders Raid Gym, Question Muslim Presence pic.twitter.com/5qOXR9lC7O
— THE HINDUSTAN GAZETTE (@THGEnglish) June 2, 2025
سوشل میڈیا پر ویڈیو منظر عام پر آنے کے بعد حکام نے سب انسپکٹر دنیش شرما کے خلاف کارروائی کرتے ہوئے اسے پولیس لائنز بھیج دیا ہے۔
وائرل ہونے والی ویڈیو کلپ میں پولیس اہلکار کو جم کے مالک کو ہدایت دیتے ہوئے سنا گیا، "یہاں کوئی بھی محمدن (مسلم) تربیت یا ٹریننگ لینے نہیں آئے گا۔ میں آپ کو یہ واضح طور پر بتا رہا ہوں۔”
اطلاعات کے مطابق بھوپال کے ایودھیا نگر کے علاقے میں جم میں مسلم ٹرینرز کی موجودگی پر لوگوں کے ایک گروپ نے اعتراض کیا تھا۔
پولیس کا کہنا ہے کہ بجرنگ دل کے ارکان نے جم کا دورہ کیا تھا اور اس سینٹر میں مسلم ٹرینرز کی موجودگی پر سوالات اٹھائے تھے۔
