The news is by your side.

Advertisement

بھارتی فوجی خودکشیاں کرنے لگے

سری نگر: مقبوضہ کشمیر میں نہتے کشمیریوں پر ظلم ڈھانے والے بھارتی فوجی خودکشیاں کرنے لگے ہیں۔

کشمیری میڈیا سروس کے مطابق مقبوضہ وادی میں 2 بھارتی سیکیورٹی اہلکاروں نے خودکشی کرلی، ایک بھارتی سیکیورٹی اہلکار نے افسر کو فائرنگ کرکے قتل کیا پھر خود کو گولی مار لی، خودکشی کا دوسرا واقعہ کسی اور ضلع میں پیش آیا۔

کے ایم ایس کا کہنا ہے کہ مجموعی طور پر 3بھارتی سیکیورٹی اہلکار ہلاک ہوئے، بھارتی سیکورٹی اہلکاروں کی خودکشی کے واقعات کلگام اور بارہ مولا میں پیش آئے۔

مقبوضہ کشمیر میں غیر قانونی بھارتی اقدام کو 11 ماہ مکمل ہوگئے

مودی حکام نے تاحال خودکشی کی وجوہات نہیں بتائیں، البتہ یہ امکان ظاہر کیا جارہا ہے کہ وادی میں نہتے مسلمانوں پر مظالم ڈھانے والی قابض بھارتی فوج ذہنی دباؤ اور ذہنی بیماری کا شکار ہورہی ہے۔

خیال رہے کہ مقبوضہ وادی کی خاص قانونی حیثیت ختم کرنے اور لاک ڈاون کو11 ماہ مکمل ہوچکے ہیں لیکن مودی سرکار اپنے ناپاک عزائم سے تاحال باز نہ آئی، وادی میں قابض فوج نے بربریت کی انتہا کردی ہے۔

بھارتی لاک ڈاؤن کے11 ماہ میں 192کشمیری شہید اور 132 زخمی ہوئے۔ 11ماہ کے دوران بھارتی فورسز نے 935 مکانات کو نقصان پہنچایا۔ بھارتی فورسز نے گھر گھر چھاپوں کےدوران 77 خواتین کو زیادتی کا نشانہ بنایا۔

Comments

یہ بھی پڑھیں