چارسدہ : سیکیورٹی اداروں نے کارروائی کرتے ہوئے بھارتی جاسوس باپ اورتین بیٹوں کو گرفتارکرلیا، ملزمان خصوصی مشن پرافغان مہاجرین کے روپ میں رہائش پزیر تھے۔
باچا خان یونیورسٹی پرحملے کے بعد دہشگردوں کے گرد گھیرا تنگ ہوگیاچارسدہ میں سیکورٹی اداروں نے کارروائی کرتے ہوئے بھارتی جاسوس باپ اور تین بیٹوں کوگرفتار کرلیا۔
بتایا گیا ہے کہ ملزمان افغانستان میں بھارتی سفارت خانہ کے ملازم اور را کے ایجنٹ ہیں، ملزم باپ نے نوید خان کے نام سے پاکستان کا جعلی شناختی کارڈ بنارکھا تھا۔
ابتدائی تفتیش کے مطابق ملزمان عرصہ دراز سے چارسدہ میں خصوصی مشن پر تھے اور افغان مہاجرین کے روپ میں رہائش پزیر تھے، ملزمان کےباچا خان یونیورسٹی پر حملے میں بھی ملوث ہونے کا خدشہ ہے، ملزمان سے مزید تفتیش جاری ہے۔
