چیئرمین پی سی بی مینجمنٹ کمیٹی ذکااشرف نے کہا ہے کہ مجھے امید ہے کہ بھارتی ٹیم کو پاکستان لانے میں کامیابی ملے گی۔
اے آر وائی نیوز کو دیے گئے انٹرویو میں ذکااشرف نے کہا کہ بھارت گیا تو جے شاہ نے بہت عزت دی جے شاہ نے مجھے 2،3دن پہلے بھی ٹیلی فون کیا اور کہا باقی چیئرمین سے بھی ملا لیکن آپ سے مل کر بہت اچھا لگا۔
ذکااشرف نے کہا کہ ہم جلد پاکستان اور بھارت کے کرکٹ تعلقات کو بہتر کرلیں گے، پاکستانی شائقین، صحافیوں کے ویزوں سےمتعلق درخواست کی تھی ہم صرف درخواست ہی کرسکتے تھے زبردستی ویزے تو لےنہیں سکتے تھے۔
- Advertisement -
چیئرمین نے واضح کیا کہ میرے اہل خانہ اگر بھارت گئے تو وہ اپنے خرچے پر گئے بورڈ نے جو گاڑی دی تھی اس میں بھی اپنے بچوں کو نہیں بٹھایا۔
