مودی سرکار کے جنگی جنون نے بھارتی فوج کو بوکھلا دیا اور وہ آپس میں ہی لڑ پڑی دو یونٹوں کی جھڑپ میں پانچ سکھ فوجی مارے گئے۔
پہلگام فالس فلیگ آپریش کی آڑ میں مودی سرکار کے جنگی جنون پر ان کے ملک بھارت میں ہی آوازیں اٹھ رہی ہیں۔ دوسری جانب بھارتی فوج جو پہلے ہی مختلف وجوہات پر مودی حکومت سے نالاں ہے وہ اب اتنی بوکھلا گئی ہے کہ آپس میں ہی لڑنا شروع کر دیا ہے۔
العربیہ کے مطابق مقبوضہ کشمیر بارہ مولہ سیکٹر میں برہمن فوج کے دو یونٹوں کے درمیان جھڑپ ہوئی ہے جس کے نتیجے میں پانچ سکھ فوجی مارے گئے ہیں۔
ذرائع کے حوالے سے رپورٹ کیا گیا ہے کہ مذکورہ واقعہ 25 اور 26 اپریل کی درمیان شب لائن آف کنٹرول کے قریب جاپالہ بریج کے مقام پر پیش آیا ہے۔
ذرائع نے بتایا کہ بارہ مولا میں قابض بھارتی فوج کے 185 بارڈر سکیورٹی فورس (بی ایس ایف) نے 12 بریگیڈ کی 13 سکھ لائٹ انفنٹری رجمنٹ پر فائرنگ کی، جس کے نتیجے میں پانچ سکھ اہلکار ہلاک ہو گئے۔
دفاعی ماہرین نے اس واقعہ کو بھارتی فوج میں پائی جانے والی بوکھلاہٹ کی جانب واضح اشارہ ہے جب کہ اس واقعہ کے بعد 13 سکھ لائٹ انفینٹری کے سکھ جوانوںمیں شدید اشتعال پایا جاتا ہے۔
واضح رہے کہ حالیہ پاک بھارت کشیدگی میں سکھوں کی عالمی تنظیم سکھ فارجسٹس کے رہنما گرپتونت سنگھ نے ایک پیغام بھی جاری کیا ہے۔
اس پیغام میں انہوں نے کہا ہے کہ بھارتی فوج میں موجود سکھ سپاہی پاکستان کیخلاف نہ لڑیں، سکھ فوجی مودی کی پاکستان کےخلاف جنگی جنگ سے انکار کر دیں۔
بھارتی فوج میں موجود سکھ سپاہی پاکستان کیخلاف نہ لڑیں ، گرپتونت سنگھ کا پیغام
