سری نگر : بھارتی فورسز ضلع کپواڑہ میں مزید چار کشمیری شہید کردئیے، رواں ماہ شہید کشمیریوں کی تعداد دس سے تجاوز کر گئی ہے۔
تفصیلات کے مطابق مقبوضہ کشمیر میں بھارتی فورسز نے ظلم کی انتہا کردی ، قابض فورسز نے ضلع کپواڑہ میں مزید چار کشمیری شہید کردئیے۔
بھارتی فورسزنے نام نہاد سرچ آپریشن میں کشمیریوں کو نشانہ بنایا گیا، رواں ماہ شہید کشمیریوں کی تعداد دس سے تجاوز کر گئی ہے۔
یاد رہے رواں ماہ میں ہی مقبوضہ کمشیر میں بھارتی فورسز نے ضلع کپواڑہ میں وحشیانہ کارروائی کرتے ہوئے 5 کشمیریوں کو شہید کردیا تھا۔
خیال رہے گذشتہ ماہ مئی میں بھارت کے غیر قانونی زیر قبضہ جموں و کشمیر میں بھارتی فوجیوں نے اپنی ریاستی دہشت گردی کی مسلسل کارروائیوں کے دوران ایک خاتون سمیت 10 کشمیریوں کو شہید کیا۔
کشمیر میڈیا سروس کے اعداد و شمار کے مطابق 10 میں سے 4 نوجوانوں کو جعلی مقابلوں میں شہید کیا گیا، ایک مکان کو نقصان پہنچایا جبکہ ایک خاتون کی بے حرمتی کی گئی تھی۔
