نئی دہلی : بھارت کے چاند پربھیجے جانے والے خلائی مشن چندریان ٹو کی چاند پرروانگی عین وقت پرملتوی کردی گئی، حکام کا کہنا ہے راکٹ بھیجنے کی نئی تاریخ کا اعلان بعد میں کیا جائے گا۔
تفصیلات کے مطابق انڈین اسپیس ریسرچ آرگنائزیشن (آئی ایس آر او) نے کہا خلائی مشن کی چاند پر روانگی مقررہ وقت سے ایک گنھٹہ قبل تکنیکی خرابی کے باعث موخر کی گئی، راکٹ بھیجنے کی نئی تاریخ کا اعلان بعد میں کیا جائے گا۔
A technical snag was observed in launch vehicle system at 1 hour before the launch. As a measure of abundant precaution, #Chandrayaan2 launch has been called off for today. Revised launch date will be announced later.
— ISRO (@isro) July 14, 2019
یاد رہے بھارت نے خلائی جہاز کو 15 جولائی کو چاند کی طرف روانہ کرنا تھا، جو چھ سے سات ستمبر تک چاند پر پہنچتا، چندریان ٹو خلائی مشن پر پندرہ کروڑ امریکی ڈالر لاگت آئی ہے، مشن کا مقصد چاند کی سطح سے پانی،معدینات اوردیگرمعلومات جمع کرنا تھا۔
مزید پڑھیں : بھارت اپنا خلائی مشن 15 جولائی کو چاند کی طرف روانہ کرے گا
یاد رہے جون میں بھارت نے چاند پر خلائی تحقیقاتی مشن بھیجنے کا اعلان کیا تھا، اگر بھارت اس مشن میں کامیاب ہو جاتا ہے تو وہ چاند پر پہنچنے والا چوتھا ملک ہوگا، اب تک امریکا،چین اورروس چاند کی سطح پر اترنے میں کامیاب ہوئے ہیں۔
خیال رہے حالیہ برسوں کے دوران بھارت نے خلائی ٹیکنالوجی کے میدان میں کافی ترقی کی ہے۔ سنہ 2017 میں ایک ہی مہم کے دوران بھارت نے 104 مصنوعی سیارے فضا میں بھیجے تھے۔ بھارت سنہ 2022 میں اپنے 3 سائنسدان بھی خلا میں بھیجنے کا ارادہ رکھتا ہے۔
