پاکستان کا ازلی دشمن بھارت دنیا کو ہمارے خلاف اُکسانے کا کوئی موقع ہاتھ سے جانے نہیں دیتا اپنی مکاری اور عیاری سے کام لیتے ہوئے پاکستان کیخلاف زہریلا پروپیگنڈا جاری رکھتا ہے۔
بھارتی میڈیا نے ایک بار پھر اپنی اصلیت دکھاتے ہوئے پاکستان کو دنیا کے سامنے خطرناک ملک ثابت کرنے کی کوشش کی ہے اس کا اصل مقصد بھارتی عوام کی ذہن سازی کرنا ہے۔
ایک رپورٹ کے مطابق بھارت عالمی سطح پر پاکستان کی ساکھ کو نقصان پہنچانے کے لیے مسلسل پروپیگنڈہ پھیلانے میں مصروف عمل ہے۔
بھارت کی فلمی صنعت بھی پاکستان کو بدنام کرنے کی مہم میں برابر کی شریک ہے، اس سلسلے میں بھارتی فلم انڈسٹری بھی اصل حقائق کو مسخ کرنے پر عمل پیرا ہے۔
بھارت کی طرف سے تیار کردہ مواد گمراہ کن اور غلط معلومات پر مبنی ہوتا ہے جو نفرت کو بڑھاوا دیتا ہے۔ مودی سرکار اپنے پروپیگنڈے میں ہندوتوا کے نظریے کو فروغ دے رہی ہے، جبکہ ساتھ ہی بھارت کی جانب سے پاکستان کو خطرناک ملک ثابت کرنے کی ہر ممکن کوشش بھی کی جاتی ہے۔
بھارت ایسی ہی جھوٹی کہانیوں کے ذریعے عالمی رائے کو اپنے حق میں موڑنے پر سرگرم عمل ہے، ساتھ ہی بھارتی میڈیا بھی پاکستان کے خلاف بے بنیاد الزامات لگا کر اپنے مقاصد کو حاصل کرنے کی کوشش کر رہا ہے۔
اس کے علاوہ بھارت کی فلمیں اور ڈرامے بھی اس کا مؤثر ہتھیار ہیں جس کی مدد سے ذرائع ابلاغ میں اپنے مفادات کو ترجیح دیتے ہوئے پاکستان کی منفی تصویر پیش کی جارہی ہے۔
رپورٹ کے مطابق بھارت اپنے داخلی و اندورنی مسائل سے توجہ ہٹانے کے لیے پاکستان کو تمام معاملات کا ذمہ دار ٹھہراتا ہے۔
بھارتی حکومت کے اپنے اقدامات عالمی قوانین کی سنگین خلاف ورزیاں کرتے ہیں لیکن منظم منصوبہ بندی کے تحت بدنام پاکستان کو کیا جاتا ہے۔
بھارت کی جانب سے چلائی جانے والی مختلف کیمپئین تشدد کو فروغ دیتی ہیں جو قیام امن کو بھی نقصان پہنچاتی ہیں۔
بھارتی حکومت کی حکمت عملی نے خطے میں امن کے قیام کو خطرے میں ڈال رکھا ہے، بھارتی میڈیا کے ذریعے جھوٹی معلومات پھیلانا عالمی سطح پر غیر ذمہ دارانہ عمل ہے۔
بھارت کے اپنے اقدامات نے انسانی حقوق کی خلاف ورزیوں کو مزید بڑھاوا دیا ہے جبکہ اس کے برعکس وہ تمام الزامات پاکستان پر عائد کرتا ہے۔
اس کے علاوہ بھارتی میڈیا میں منظم منصوبہ بندی کے تحت بھارتی قیادت کی غلطیوں کو چھپانے کے لیے پاکستان کو مسلسل نشانہ بنایا جاتا ہے۔
