انڈونیشیا کے سیاحتی جزیرے بالی کے قریب ایک مسافر کشتی سمندر میں ڈوب گئی جس کے نتیجے میں 4 افراد ہلاک اور 45 افراد لاپتہ ہو گئے ہیں۔

خبرایجنسی کے مطابق سیاحوں کی کشتی ڈوبنے کا واقعہ انڈونیشا کے جزیرے بالی کے قریب رونما ہوا، کشتی میں مجموعی طور پر 65 افراد سوار تھے، جن میں خواتین اور بچے بھی شامل تھے ان میں نے 16 افراد کو ریسکیو کرلیا گیا۔

حکام کا کہنا ہے کہ حادثہ خراب موسم اور تیز لہروں کے باعث پیش آیا ہے، ریسکیو اداروں نے امدادی کارروائیاں شروع کر دی ہیں جبکہ غوطہ خوروں کی مدد سے لاپتہ افراد کی تلاش جاری ہے۔

واضح رہے کہ سمندری آفات انڈونیشیا میں ایک عام واقعہ ہے، یہ تقریباً 17,000 جزیروں پر مشتمل ہے، یہاں کشتی کو حادثہ اکثر مناسب آلات کے بغیر اوور لوڈ ہونے کی وجہ سے پیش آتے ہیں۔

مارچ میں بھی ایک کشتی بالی میں ڈوب گئی تھی جس 16 سیاح سوار تھے اس حادثے میں ایک آسٹریلوی خاتون ہلاک اور کم از کم ایک شخص زخمی ہو گیا تھا۔