The news is by your side.

Advertisement

انڈونیشیا: بس حادثے میں 25 افراد زندگی کی بازی ہار گئے

انڈونیشیا کے جزیرے سماٹرا میں مسافر بس کے گہری کھائی میں گرنے سے دو درجن سے زائد افراد ہلاک ہو گئے۔

میڈیا رپورٹوں کے مطابق سماٹرا کے ضلع پاگارلام کے راستے سے گزرنے والی بس کئی میٹر نیچے کھائی میں گرنے کے بعد لڑھکتے ہوئے دریا میں جاگری۔

اس حادثے میں ہلاکتوں کے علاوہ 14 مسافر شدید زخمی ہیں جب کہ حکام نے ہلاکتوں میں اضافے کا خدشہ ظاہر کیا ہے۔ حادثے کے بعد امدادی ٹیموں نے دریا میں لاپتا ہو جانے والے مسافروں کی تلاش شروع کر دی ہے۔ حکام کے مطابق مسافروں کی درست تعداد کا علم نہیں ہوسکا ہے کیوں کہ ہلاک ہونے والوں میں بس کا ڈرائیور اور اس کے دو معاونین بھی شامل ہیں۔

انڈونیشیا کے مضافات، دریائی اور بلند مقامات پر ٹریفک حادثات رونما ہوتے رہتے ہیں جس کی ایک وجہ خستہ حال ٹرانسپورٹ اور ڈرائیوروں کی غفلت بھی ہے۔ رواں برس ستمبر میں ایسے ہی ایک حادثے میں 21 افراد زندگی کی بازی ہار گئے تھے۔ یہ حادثہ مغربی جاوا میں ایک بس کے دریا میں گرنے کے باعث پیش آیا تھا۔

Comments

یہ بھی پڑھیں